ఏఎస్పీ, సీఐ, ఎస్ఐలపై క్రిమినల్ డిఫామేషన్ కేసు

ములుగు జిల్లా వెంకటాపురం మండలంలో సంచలన పరిణామం చోటుచేసుకుంది. స్థానిక ప్రముఖ వ్యక్తి, న్యాయవాది కిరణ్ కుమార్ వర్మపై పోలీసులు చట్టవిరుద్ధంగా షీటు తెరిచి, అతని ఫోటోను పోలీస్ స్టేషన్ ఎదుట ప్రదర్శించారని ఆరోపణలపై, ఆయన ములుగు న్యాయస్థానాన్ని ఆశ్రయించారు.

ఈ నేపథ్యంలో విచారణ జరిపిన న్యాయస్థానం, గతంలో ఎటూరునాగారంలో ఏఎస్పీగా పనిచేసిన **సిరిశెట్టి సంకీర్త్**, వెంకటాపురం సర్కిల్ ఇన్స్పెక్టర్‌గా విధులు నిర్వహించిన **బండారీ కుమార్**, అలాగే వెంకటాపురం పోలీస్ స్టేషన్‌లో ఎస్ఐగా పనిచేసిన **రేగ అశోక్** లపై క్రిమినల్ డిఫామేషన్ కేసులో నోటీసులు జారీ చేసింది.

కోర్టు వారిని ఆక్యూజ్డ్ నెంబర్ 1, 2, 3లుగా పేర్కొని, తదుపరి వాయిదాకు హాజరుకావాలని సమన్లు పంపింది.