నంద్యాల కలెక్టర్ ను కలిసిన ఆళ్లగడ్డ ఎమ్మెల్యే భూమా అఖిలప్రియ

TEJA NEWS TV : నంద్యాల జిల్లా నూతన కలెక్టర్ గా ఇటీవలే పదవి భాద్యతలు తీసుకున్న జిల్లా సర్వోన్నత అధికారి రాజకుమారిని శుక్రవారం కలెక్టర్ కార్యాలయంలో ఆళ్ళగడ్డ శాసనసభ సభ్యురాలు శ్రీమతిభూమా అఖిల ప్రియ మర్యాదపూర్వకంగా కలిసి పుష్పగుచ్చం అందించి శుభాకాంక్షలు తెలిపారు. ఈ సందర్భంగా ఎమ్మెల్యే భూమా అఖిలప్రియ తొలిసారిగా ఒక మహిళా కలెక్టర్ నంద్యాల జిల్లాకు రావడం తమకు ఎంతో ఆనందంగా ఉందని కొనియాడారు. ఈ సందర్భంగా ఆమె నియోజకవర్గంలో ఉన్న పలు సమస్యలను కలెక్టర్ రాజకుమారి దృష్టికి తీసుకుని వెళ్లారు. స్పందించిన జిల్లా కలెక్టర్ రాజకుమారి ఆళ్లగడ్డ నియోజకవర్గసమస్యలను పరిష్కరించేందుకు తమ వంతు కృషి చేస్తానని ఎమ్మెల్యే భూమా అఖిలప్రియ కు హామీ ఇచ్చారు.