భద్రాద్రి కొత్తగూడెం జిల్లా
తేజ న్యూస్ టీవీ
తేదీ: 29-11-2025
స్థలం: కొత్తగూడెం
దీక్షా దివస్ సందర్భంగా కొత్తగూడెం తెలంగాణ భవన్లో నిర్వహించిన కార్యక్రమంలో తెలంగాణ అమరవీరుల స్థూపానికి పుష్పాంజలులు ఘటించి, వారిని స్మరించుకున్నారు. ఈ కార్యక్రమంలో బీఆర్ఎస్ పార్లమెంటరీ పార్టీ డిప్యూటీ లీడర్, రాజ్యసభ సభ్యులు వద్దిరాజు రవిచంద్ర, మాజీ ఎమ్మెల్యేలు రేగా కాంతారావు, మెచ్చా నాగేశ్వరరావు, హరిప్రియ హరిసింగ్ నాయక్ తదితర ప్రముఖులు పాల్గొన్నారు.
ఈ కార్యక్రమంలో భద్రాద్రి కొత్తగూడెం జిల్లా గ్రంథాలయ సంస్థ మాజీ ఛైర్మన్ దిండిగల రాజేందర్, మునిసిపల్ మాజీ చైర్‌పర్సన్ సీతామహాలక్ష్మీ, బీఆర్ఎస్ నాయకులు రంగనాథ్, రాజా గౌడ్ మరియు పలువురు పార్టీ నేతలు పాల్గొన్నారు.
అమరవీరుల త్యాగాలను స్మరించుకుంటూ పాల్గొన్న నాయకులు “జై తెలంగాణ – జై జై తెలంగాణ”, “తెలంగాణ అమరవీరులకు జోహార్లు”, “బీఆర్ఎస్ జిందాబాద్”, “కేసీఆర్ నాయకత్వం వర్థిల్లాలి” అంటూ నినాదాలు చేశారు. తెలంగాణ కోసం ప్రాణాలు అర్పించిన అమరవీరుల త్యాగాలను తరతరాలకు గుర్తు చేస్తూ, రాష్ట్ర అభ్యున్నతికి తమ కృషి కొనసాగుతుందని నాయకులు ఈ సందర్భంగా ప్రకటించారు.
