చండ్రుగొండ పోలీస్ స్టేషన్లో డిఎస్పి వార్షిక తనిఖీ – న్యూ ఇయర్ సంక్రాంతికి కఠిన భద్రతా చర్యలు

TEJANEWSTV TELANGANA

ఈరోజు చండ్రుగొండ పోలీస్ స్టేషన్‌లో కొత్తగూడెం డీఎస్పీ  వార్షిక తనిఖీ కార్యక్రమంలో భాగంగా పర్యటించారు. ఈ సందర్భంగా పోలీస్ స్టేషన్‌లో నిర్వహణలో ఉన్న అన్ని రికార్డులు, కేసు డైరీలు, రిజిస్టర్లు తదితరాలను పూర్తిగా తనిఖీ చేసి, విధి నిర్వహణపై అధికారులకు అవసరమైన సూచనలు అందించారు.అదేవిధంగా, రాబోయే న్యూ ఇయర్ వేడుకలు మరియు సంక్రాంతి పండుగలను పురస్కరించుకుని ప్రజల భద్రత మరియు శాంతిభద్రతల పరిరక్షణ దృష్ట్యా క్రింది సూచనలు జారీ చేయడం జరిగింది.న్యూ ఇయర్ సెలబ్రేషన్స్ సందర్భంగా మద్యం సేవించి వాహనాలు నడపడం (డ్రంక్ అండ్ డ్రైవింగ్) పూర్తిగా నిషేధించాలని, ఇందుకు సంబంధించి కఠిన తనిఖీలు నిర్వహించాలని సూచించారు.
అతివేగంగా వాహనాలు నడపడం (రాష్ డ్రైవింగ్)పై కఠిన చర్యలు తీసుకోవాలని ఆదేశించారు.ట్రాఫిక్ నియమాలు ప్రజలు తప్పనిసరిగా పాటించేలా అవగాహన కల్పించడంతో పాటు అమలు చేయాలని సూచించారు.సంక్రాంతి పండుగ సందర్భంగా కోడిపందాలు, పేకాటలు వంటి అక్రమ కార్యకలాపాలు జరగకుండా కట్టుదిట్టమైన చర్యలు తీసుకోవాలని ఆదేశించారు.మాంజా దారాలతో పతంగులను ఎగురవేయకుండా ప్రజలకు అవగాహన కల్పించి, అవసరమైన చోట నిఘా ఏర్పాటు చేయాలని తెలిపారు.
ప్రజలు సురక్షితంగా పండుగను జరుపుకునేలా పోలీస్ సిబ్బంది పూర్తిగా అప్రమత్తంగా ఉండాలని సూచించారు. ఈ కార్యక్రమంలో జూలూరుపాడు సిఐ  మరియు చంద్రుగొండ ఎస్సై  మరియు సిబ్బంది పాల్గొన్నారు.