ఇసుక దోపిడీ పై ప్రజల్లో ఆందోళనలు

మా గ్రామాల వైపు మచ్చుకైనా చూడరు.

ఏజెన్సీ చట్టాలకు రక్షకుడు ఎవరు కలెక్టర్ సాబ్?.

ఏ శాఖ లో  నుండి ఉద్భవిస్తాడో జరా చెప్పరు..

ఏజెన్సీ ప్రాంతంలో టిప్పర్లు బుల్డోజర్లు రంగ ప్రవేశం అరికట్టేది ఎవరు?.

  సాక్షాత్తు కలెక్టరే రాజకీయ ఒత్తులకు భయపడుతున్నట్టుగా ఆరోపణలు.

పిసా చట్టం నీరుగారి పోతూ ఉంటే నోరు మెదపని టీజీఎండిసి యంత్రాంగం.

కంచ కళ్ళు మూసుకుంటే ఉన్నదంతా దోచుకుపోతున్న రైసింగ్ కాంట్రాక్టర్లు.

గట్టిగా అడిగితే పాత్రికేయులకే దమ్కీ ఇస్తున్న వైనం.

మీరు ఎవరితో చెప్పుకుంటారో చెప్పుకోండి,కలెక్టర్ తో చెప్పుకున్నా  మేమేం భయపడం అంటూ రంకెలు వేస్తున్న ఇసుక మాఫియా.

హుందాగా దోచుకునే ధైర్యం వారికి ఎవరిచ్చినట్టు.?

అధికారుల ప్రమేయం లేనిదే ధైర్యంగా ఇసుక దోపిడీ జరుగుతుందా?.

పాత ధరలకే లారీ ఓనర్ల దగ్గర నుంచి మొదలైన వసూళ్ల పర్వం ఎవరికోసం?.

దానిలో కూడా అధికారులకు రాజకీయ నాయకులకు వాటా.

ఇసుక దోపిడీలో పలు రాజకీయ నాయకుల హస్తం ఉన్నట్టు గుసగుసలు.

ఇంత జరుగుతున్న కళ్ళు తెరవని సంబంధిత అధికారులు,.

నెలలు గడుస్తున్న వాజేడు వెంకటాపురం మండలల ఇసుక రిచ్చులను సందర్శించని జిల్లాకలెక్టర్.
ములుగు జిల్లా.

ములుగు జిల్లా వెంకటాపురం మండల కేంద్రంలోని ఆలుబాక గ్రామంలో ఇసుక తోలకాలు భారీగా సాగుతున్నాయి..
కంచ కళ్ళు మూసుకుంటే ఉన్నదంతా దోచుకుపోయినట్టు పాత సామెతకు కలెక్టర్ సాబ్ వ్యవహారాలు సరిగ్గా అద్దం పడుతున్నట్టుగా మండలంలోని ప్రజలు గుసగుసలాడుతున్నారు. రాజకీయ వత్తుళ్ల మూలాన ఏజెన్సీ ప్రాంతంలో జరుగుతున్న దోపిడీని జిల్లా కలెక్టర్ చూసి చూడనట్టు వ్యవహరిస్తున్నారు అని బలమైన ఆరోపణలు వినిపిస్తున్నాయి.
గత కొన్ని సంవత్సరాల నుండి పీసా చట్టాలకు విరుద్ధంగా జరుగుతున్న ఇసుక దోపిడీ మితిమీరిపోతున్న తరుణంలో ఒక్కసారైనా కలెక్టర్ సాబ్ ఏజెన్సీ గ్రామాల వైపు మచ్చుకైనా చూడకపోవడం రాజకీయ శక్తులకు తలొగ్గారు అని అనుమానాలు వ్యక్తం అవుతున్నాయి.
జిల్లా ఉన్నతాధికారికే ఏజెన్సీలో జరుగుతున్న దోపిడీ కనబడకపోవడం లేదు అనుకుంటే పొరపాటే, సంబంధిత రెవెన్యూ ఫారెస్ట్ శాఖలకు కూడా ఈ ఇసుక దోపిడీ కనబడకపోవడం విడ్డూరం.
సంయుక్తంగా సామాజికంగా జరుగుతున్నటువంటి వివిధ శాఖల నిర్లక్ష్యం రైజింగ్ కాంట్రాక్టర్లకు ఇసుక దోపిడీకి సుఖాంతంగా మారింది అని చెప్పుకోవచ్చు. అయితే ఈ పరిణామాల నేపద్యాన్ని విశ్లేషిస్తే రైసింగ్ కాంట్రాక్టర్లతో ఉన్నత అధికారులు పెద్ద బంధమే ముడి పెట్టుకున్నారేమో అని అనుమానాలు మండల వ్యాప్తంగా వ్యక్తం అవుతున్నాయి. దానికి తోడు విచక్షణ రహితంగా సమయపాలన పాటించకుండా జరిగే ఇసుక తోలకాలు డంపింగ్లు వారి బంధాన్ని ఇంకా గట్టిగా ముడిపడ్డారు అని చెప్పకనే చెప్తున్నాయి. అర్ధరాత్రి 12 గంటల సమయంలో కూడా లోడింగ్ లు డంపింగ్లు జరుగుతున్న సంబంధిత అధికారులు మాత్రం నిమ్మకు నీరెత్తినట్టుగా వ్యవహరించడం మండల ప్రజల్ని ఒక అంతా ఆలోచించేలా చేస్తున్నాయి.
పట్టపగలే విపరీతంగా ఇసుకను దోపిడి చేస్తున్న రైసింగ్ కాంట్రాక్టర్ల ఆగడాలను, మరియు ఏజెన్సీ చట్టాలకు రక్షకుడు ఎవరు అన్నది ప్రశ్నార్థకంగా మారింది.
ఏ శాఖలో నుండి ఉద్భవిస్తాడో. గిరిజనులకు వారి చట్టాలను నీరుగారి పోకుండా చేస్తాడో, ఆ అధికారి కోసం ఏజెన్సీలోని ఆదివాసీలు పడిగాపులు కాస్తున్న పరిస్థితులు నెలకొన్నాయి.
నిద్రలేపినప్పుడే వివిధ శాఖల అధికారులు పట్టించుకున్నట్టుగా నటిస్తూ తూతు మంత్రంగా పర్వేక్షించడం లాంటి జబ్బుతో వారు ఉండడం ఆశ్చర్యకరం. ఇంకా ఏముంది కిందిస్థాయి అధికారులు సైతం పట్టు విడుపుగా పిసా చట్టాన్ని చూసి చూడనట్టు కోడి నిద్ర వహిస్తూ ఉంటే ఇసుకను దోపిడీ చేసే వాడికి హద్దు అదుపు ఏముంటుంది. ఇంటి పెద్దమనిషి నెమ్మదిస్తే మరి  గిరిజన బిడ్డలు నీరు గారి పోతున్న పీసా చట్టం గురించి వారి గోడు ఎవరి దగ్గర వెళ్లబుచ్చుకుంటారు. ఈ విషయంలో సంబంధిత మైనింగ్ రెవెన్యూ శాఖలో విఫలం అయ్యాయని బహిరంగంగానే మండల ప్రజలు చర్చించుకుంటున్న పరిస్థితులు ఉన్నాయి.
పది కాలాలపాటు ములుగు జిల్లా ఏజెన్సీ ప్రాంతాలలో గిరిజనులకు పిసా చట్టం సమృద్ధిగా దక్కాలంటే . టిప్పర్లకు బదులుగా జెసిబి లకు బదులుగా మాన్ పవర్ను వాడుతూ వాజేడు వెంకటాపురం మండలాలలో ఉన్నటువంటి రైతాంగానికి ఉపయోగపడే టాక్టర్లను వినియోగిస్తే నిజంగా పిసా చట్టానికి నీరు పోసిన వారు అవుతారు అనడంలో ఎటువంటి అతిశయోక్తి లేదు అని చెప్పొచ్చు. గడిచిన సంవత్సర కాలంగా జరిగిన ఇసుక దోపిడీ రీత్యా  గిరిజన చట్టాలను పటిష్టం చేయడానికి చీఫ్ సెక్రటరీ మరియు మైనింగ్ ఉన్నత అధికారులు జోక్యం వహించి ఏజెన్సీ చట్టాలను పూర్తిగా అమల్లోకి తీసుకువచ్చే విధంగా చర్యలు తీసుకుంటే సంపూర్ణంగా పీసా చట్టం గిరిజనులకు పది కాలాలపాటు చేతినిండా పని దొరుకుతుందని. తద్వారా గిరిజన బిడ్డలు ఆర్థికంగా బలోపేతం అవడం జరుగుతోందని , మేధావులు చదువుకున్న విద్యావేత్తలు అభిప్రాయపడుతున్నారు.