TEJA NEWS TV
ములుగు జిల్లా ఏటూరునాగారం మండలం ప్రభుత్వ డిగ్రీ కళాశాలలో విద్యార్థులకు లీగల్ చట్టాలపై అవగాహన సదస్సు ఏర్పాటు చేశారు. ఈ కార్యక్రమాన్ని కళాశాల ప్రిన్సిపల్ డాక్టర్ బి రేణుక ప్రారంభించారు. ఈ సదస్సులో ఏటూర్ నాగారానికి చెందిన ప్రముఖ అడ్వకేట్ శ్రీ వైద్యుల వెంకటేశ్వర్లు హాజరయ్యారు, వారు మాట్లాడుతూ విద్యార్థులు పలు శాఖలపై అవగాహన పెంపొందించుకోవాలని అన్నారు. ముఖ్యంగా న్యాయ చట్టాల పై అవగాహన ఈ రోజుల్లో ఎంతో అవసరం అని తెలిపారు, ప్రతి ఒక్కరికి చట్టాలపై అవగాహన కలిగి ఉంటే ప్రతి రంగంలోనూ రాణించవచ్చు అని నవ భారతం నిర్మాణానికి చట్టాలు ఎంతో అవసరమని ఈ సందర్భంగా విద్యార్థులకు అవగాహన కల్పించారు.
ఈ కార్యక్రమంలో ఎన్ఎస్ఎస్ సంధానకర్త సిహెచ్ వెంకటయ్య, జ్యోతి(IQAC), కనీస్ ఫాతిమా, రాజనీతి శాస్త్ర విభాగాధిపతి కే. రమేష్, జీవ వేణి, సంపత్, తదితర అధ్యాపక బృందం మరియు విద్యార్థులు పాల్గొన్నారు.
