భద్రాద్రి కొత్తగూడెం జిల్లా
తేజ న్యూస్ టీవీ
7-1-2025
భద్రాచలంలో ఏ ఎస్ ఆర్ కాలనీలో జిమ్ కోచ్ రవి అండ్ టీం ఆధ్వర్యంలో నిర్వహించిన సంక్రాంతి ముగ్గుల పోటీలు విజయం సాధించాయి. ముఖ్య అతిథిగా హాజరైన భద్రాచలం టౌన్ ఎస్ఐ విజయలక్ష్మి , గౌరవ అతిథులుగా భద్రాద్రి కొత్తగూడెం జిల్లా పవర్ లిఫ్టింగ్ అసోసియేషన్ సభ్యులు ఈ కార్యక్రమానికి ప్రత్యేక ఆకర్షణగా నిలిచారు.
ఈ పోటీల్లో 35 మంది పాల్గొనగా, న్యాయనిర్ణేతల తీర్పు మేరకు విజేతలుగా నిలిచిన వారికి బహుమతులు అందజేశారు. ఫస్ట్, సెకండ్, థర్డ్ ప్రైజ్ గెలుచుకున్న వారితో పాటు, పాల్గొన్న అందరికీ ప్రోత్సాహక బహుమతులు అందించడం జరిగింది.
ఈ సందర్భంగా జీవి రామిరెడ్డి గారు మాట్లాడుతూ, సంక్రాంతి పండుగ తెలుగు రాష్ట్రాల్లో ఒక సాంప్రదాయ పండుగగా గుర్తించబడుతుందని, ఇది మన సంస్కృతిని ప్రతిబింబించేలా ఉంటుందని అన్నారు. ఈ సందర్భంగా గంగిరెద్దుల విన్యాసాలు, రంగవల్లికలు, హరిదాసుల కోలాహలం వంటి అంశాలను ప్రస్తావించారు.
ఈ కార్యక్రమంలో ఎస్ఐ విజయలక్ష్మి గారు, భద్రాద్రి కొత్తగూడెం జిల్లా పవర్ లిఫ్టింగ్ అసోసియేషన్ జనరల్ సెక్రటరీ జీవి రామిరెడ్డి, వైస్ ప్రెసిడెంట్ డాక్టర్ శివరామకృష్ణ ప్రసాద్, నేషనల్ సీనియర్ పవర్ లిఫ్టర్ మహంతి వెంకటకృష్ణాజి, ఫారెస్ట్ డిప్యూటీ రేంజర్ గుగులోతు శోభన్ నాయక్, అలాగే కాలనీవాసులు, జిమ్ కోచ్ రవి అండ్ టీం సభ్యులు పాల్గొన్నారు.
ఈ పోటీలు పండుగ ఆహ్లాదాన్ని పెంచడంతో పాటు, స్థానికుల మధ్య సత్సంబంధాలను బలపరిచేలా నిలిచాయి.
