బీసీలకు 42% రిజర్వేషన్ల పేరుతో మోసం – కాంగ్రెస్ పార్టీకి గుణపాఠం తప్పదు: బీఆర్‌ఎస్ బీసీ సంఘం

భద్రాద్రి కొత్తగూడెం జిల్లా

చండ్రుగొండ
14-10-2025

బీసీలకు 42 శాతం రిజర్వేషన్లు ఇస్తామన్న హామీ ద్వారా కాంగ్రెస్ పార్టీ రాష్ట్ర ప్రజలను మోసం చేస్తోందని, ప్రజలు తగిన సమయంలో గుణపాఠం చెప్పక తప్పదని బీఆర్‌ఎస్ బీసీ సంఘం నాయకులు తీవ్రంగా హెచ్చరించారు.

మంగళవారం ఏర్పాటు చేసిన విలేకరుల సమావేశంలో మాట్లాడుతూ, బీఆర్‌ఎస్ పార్టీ బీసీ విభాగం నాయకులు – “బీసీలకు రిజర్వేషన్లు ఇవ్వాలంటే పార్లమెంటులో ప్రత్యేక చట్టం అవసరం అని కాంగ్రెస్ పార్టీకి తెలిసి కూడా, అవగాహనలేని ప్రజలను మభ్యపెట్టే ప్రయత్నం చేస్తోంది. ఇది ఒక చిల్లర రాజకీయ డ్రామా మాత్రమే,” అని విమర్శించారు.

రాష్ట్రంలో సామాజిక సమరసతను దెబ్బతీసేలా ముఖ్యమంత్రి రేవంత్ రెడ్డి కులాల మధ్య చిచ్చు పెడుతున్నారని, బీసీలకు వ్యతిరేకంగా కుట్ర చేస్తున్నారని ఆరోపించారు. రానున్న స్థానిక సంస్థల ఎన్నికల్లో ఓటమి భయంతోనే ఈ రిజర్వేషన్ డ్రామా ఆడుతున్నారని వారు పేర్కొన్నారు.

ఈ సందర్భంగా, “ఎన్నికలు ఎప్పుడు వచ్చినా కాంగ్రెస్ పార్టీకి ప్రజలు తగిన బుద్ధి చెబుతారు. వాగ్దానాలు చేసి మోసం చేయడమంటేనే కాంగ్రెస్ స్టైల్. ఈసారి ప్రజలు వారి మాయమాటలకు భలే బుద్ధి చెబుతారు,” అని స్పష్టం చేశారు.

ఈ సమావేశంలో పాల్గొన్న నాయకులు:
🔹 బీఆర్‌ఎస్ మండల ప్రధాన కార్యదర్శి సంగండి రాఘవులు
🔹 జిల్లా నాయకుడు భూపతి రమేష్
🔹 మండల ఉపాధ్యక్షుడు సత్తి నాగేశ్వరరావు
🔹 తిప్పనపల్లి గ్రామ శాఖ అధ్యక్షులు కళ్లెం వెంకటేశ్వర్లు
🔹 సోమనపల్లి నాగేశ్వరరావు తదితరులు పాల్గొన్నారు.