నర్సింగాపురం గ్రామంలో అసంపూర్తిగా వదిలేసిన రోడ్డు నిర్మాణం చేపట్టాలి

నర్సంపేట మండలం ఇటికలపల్లి గ్రామ శివారు నర్సింగాపురం గ్రామంలో పి వై ఎల్ ఆధ్వర్యంలో నేషనల్ హైవే నుండి మేడపల్లి వెళ్లే రహదారిపై నిరసన వ్యక్తం చేయడం జరిగింది. ఈ కార్యక్రమంలో పి వై ఎల్ జిల్లా నాయకులు లింగదారి శంకర్ పాల్గొని ఈ క్రింది విధంగా మాట్లాడడం జరిగింది.
గత సంవత్సరం జూన్ నెలలో నేషనల్ హైవే నుండి నర్సింగాపురం మీదుగా మేడపల్లి వెళ్లే రహదారి 2 కిలోమీటర్ల మేరకు బీటీ రోడ్డు నిర్మాణం చేపట్టారన్నారు. అయితే నరసింగాపురం గ్రామంలో 200 మీటర్ల మేరకు రోడ్డును వదిలేయడం జరిగిందన్నారు . గత సంవత్సరం వర్షాకాలం నుండి ఇప్పటివరకు సిసి రోడ్డు నిర్మాణం చేపట్టలేదన్నారు. నిర్మాణం చేయకపోవడంతో రోడ్డు గుంతలు ఏర్పడి టూవీలర్లు మీద వెళ్లే వాళ్లు జారిపడి ప్రమాదాలు జరుగుతున్నాయన్నారు. ప్రభుత్వ అధికారులు వెంటనే స్పందించి నిర్మాణం చేపట్టేలా చర్యలు తీసుకోవాలని కోరడం జరుగుతుందన్నారు.
  ఈ కార్యక్రమంలో పి వై ఎల్ నాయకులు గొర్రె రాజు, భర్తీపాక మధు, నూకలమర్రి మహేందర్, లావుద్య బాలాజీ ,గుర్రాల శంకర్ ,గొర్రె బిక్షపతి గొర్రె మహేందర్ జాలిగం సాయికిరణ్, గొర్రె గణేష్ ,నేరెళ్ల వెంకటేష్ తదితరులు పాల్గొన్నారు.