నందిగామ, జులై 30, 2025.
ఆంధ్రప్రదేశ్ ప్రభుత్వం పట్టణ అభివృద్ధికి చేపడుతున్న కార్యక్రమాల్లో భాగంగా, నందిగామ పట్టణంలోని పాత బస్టాండ్ సెంటర్లో ఉన్న బాబు జగజీవన్ రామ్ బిల్డింగ్ వద్ద రూ.15 లక్షల వ్యయంతో కాలువ (షిల్ట్) పూడికతీత పనులకు శంకుస్థాపన జరిగింది. ఈ కార్యక్రమాన్ని ఆంధ్రప్రదేశ్ ప్రభుత్వ విప్,ఎమ్మెల్యే శ్రీమతి తంగిరాల సౌమ్య, మున్సిపల్ చైర్పర్సన్ శ్రీమతి మండవ కృష్ణకుమారి, మున్సిపల్ కమిషనర్తో పాటు కూటమి నేతలు కలిసి కొబ్బరికాయ కొట్టి ఘనంగా ప్రారంభించారు.
నందిగామ పట్టణంలో మౌలిక వసతుల అభివృద్ధికి ఈ కాలువ పూడికతీత పనులు కీలకమైనవని ఎమ్మెల్యే తంగిరాల సౌమ్య తెలిపారు. “పట్టణంలో శుభ్రత, పరిశుభ్రతను మెరుగుపరచడంతోపాటు, వర్షాకాలంలో నీటి నిల్వ సమస్యలను తగ్గించేందుకు ఈ పనులు దోహదపడతాయి. ప్రజల సౌకర్యం కోసం మా ప్రభుత్వం నిరంతరం కృషి చేస్తోంది,” అని ఆమె అన్నారు. ఈ పనులకు రూ.15 లక్షల నిధులను ఆర్థిక శాఖ (ఫైనాన్స్ డిపార్ట్మెంట్) ద్వారా మంజూరు చేయడం జరిగిందని ఆమె వెల్లడించారు.
ఈ కార్యక్రమంలో మున్సిపల్ కమిషనర్ లోవ రాజ్, స్థానిక కూటమి నేతలు, అధికారులు మరియు పట్టణ ప్రజలు పెద్ద సంఖ్యలో పాల్గొన్నారు. ఈ పనులు పూర్తయితే, నందిగామలో డ్రైనేజీ వ్యవస్థ మెరుగుపడడంతోపాటు, పట్టణం మరింత శుభ్రంగా, ఆరోగ్యకరంగా మారనుంది. ఈ కార్యక్రమం స్థానికుల నుండి సానుకూల స్పందనను రాబట్టింది….
