ఆలూరు మార్కెట్ యార్డు చైర్మన్ పదవిని చిన్నహేట శేషగిరికే కేటాయించాలి –
హొలగుంద మండల జనసేన కో కన్వీనర్ వరాల వీరేష్ డిమాండ్

TEJA NEWS TV

కర్నూలు జిల్లా ఆలూరు నియోజకవర్గంలోని మార్కెట్ యార్డు చైర్మన్ పదవిని హొళగుంద మండల తెదేపా సీనియర్ నాయకుడు, మాజీ తెలుగు యువత రాష్ట్ర కార్యదర్శి చిన్నహేట శేషగిరి కే కేటాయించాలని హొళగుంద మండల జనసేన కో కన్వీనర్ వరాల వీరేష్ డిమాండ్ చేశారు. ఈ సందర్భంగా శనివారం ఆయన మీడియాతో మాట్లాడుతూ ఆలూరు మార్కెట్ యార్డ్ చైర్మన్ పదవిని అధిష్టానం ఎస్సీ రిజర్వ్ డ్ చేయటం ఎంతో హర్షించదగ్గ విషయమని అయితే ఈ పదవికి సరైన వ్యక్తి ఐన చిన్నహేట శేషగిరికి పదివిని ఇవ్వటం శ్రేయస్కరంగా ఉంటుందని హొలగుంద మండల జనసేన కో కన్వీనర్ వరాల వీరేష్ అభిప్రాయం వ్యక్తం చేశారు. అంతేకాకుండా నియోజకవర్గంలో 30 సంవత్సరాల కాలం నుండి తెలుగుదేశం పార్టీ అభ్యున్నతికి తమవంతుగా అహర్నిశలు పాటుపడుతున్న దళిత నాయకుడు చిన్నహ్యాట శేషగిరి అని, నియోజకవర్గంలో ఎస్సీ సామాజిక వర్గంలో మెజారిటీ ఉన్న వ్యక్తిగా కూడా ఆయన ఉన్నారని. ఇంతవరకు ఎలాంటి లాభాపేక్ష లేకుండా పార్టీ సమిష్టి సాధికారతకై రాజీలేని సేవలను అందిస్తూ పార్టీ విజయమే తమ లక్ష్యంగా పార్టీకి వెన్నుదన్నుల పనిచేయటం మూలానే ఆయనకు గతంలో మంత్రాలయం బనగానపల్లె లాంటి నియోజకవర్గాలలో టిడిపి తరఫున ఎన్నికల సమన్వయకర్తగా వ్యవహరించిన అనుభవం కూడా ఎంతగానో ఉందని అందుకే ఆయన నియామకం ఆలూరు మార్కెట్ యార్డ్ చైర్మన్ గా జరిగితే మరిన్ని సేవలతోపాటు మార్కెట్ సరైన గుర్తింపు కూడా ఉంటుందని అలాగే దళిత సామాజిక వర్గంలో తమకంటూ ఓ ప్రత్యేక స్థానాన్ని గుర్తింపు మరియు సంపాదించుకున్న వ్యక్తిగా ఆయనకు మంచి పేరు ఉందని ఇలాంటి వ్యక్తికి పార్టీ అధిష్టానం ఆలూరు మార్కెట్ యార్డు చైర్మన్ పదవిని కట్టబెడితే నియోజకవర్గాన్ని మరింత అభివృద్ధి చేయటంతో పాటు రైతుల శ్రేయస్సు  కోరుకునే ఓ మంచి విద్యావంతుడిగా తమ వంతు సేవలు చేయటం పూనుకుంటారని అందుకే కూటమి ప్రభుత్వం ఇప్పటికైనా ఆయన పార్టీకి చేసిన సేవలకు గుర్తింపునిస్తూ ఆయనకు మార్కెట్ యార్డు చైర్మన్ పదవిని కట్టబెట్టాలని హొళగుంద మండల జనసేన కో కన్వీనర్ వరాల వీరేష్ డిమాండ్ చేశారు. ఇది కేవలం దళితుల మరియు ప్రజా సంఘాల అభ్యర్థిత్వం మాత్రమే కాదని కూటమి లో ఉన్న పలువురి నేతల అభీష్టం మరియు హోళగుంద మండలానికి సముచిత న్యాయం కూడా ఇందులో సమకూరి ఉందన్నారు. ఇప్పటికైనా కూటమి ప్రభుత్వం ఆలూరు మార్కెట్ యార్డు చైర్మన్ విషయమై తమ అభ్యర్థిత్వాన్ని పరిశీలించాలని. జనసేన కు కన్వీనర్ వరాల వీరేష్ తెలిపారు.